Nakasaganan ti Department of Migrant Workers a palpasen iti imbestigasionna iti naikkat nga Overseas Workers Welfare Administrator a ni Arnell Ignacio, sigun kenni Department of Migrant Workers Secretary Hans Leo Cacdac idi Domingo.
Kinunana a nalaka ti imbestigasion kalpasan ti pannakaikkat ni Ignacio idi napan a lawas gaputa naikkan dagitoy iti “access” kadagiti kasapulan a papeles ken addan ti ligal a pannakipatangda kadagiti staff ti administrasion.
Kinuna ni Cacdac a sinalungasing ti naikkat nga administrator ti innem agingga iti pito a probision ti Overseas Workers Welfare Administrator iti pananggun-od iti P1.4 billion a land acquisition deal nga awan ti pammalubos ti Board of Trustees ti Overseas Workers Welfare Administrator.
Impakaamo ti nasao nga opisial a mangipaulogda ti opisial a pablaak iti kabiitan a panawen inton opisial a maipila ti kaso kontra kenni Ignacio.
