--Ads--
Napagsaritaan ti Department of Justice (DOJ) ken ti Philippine National Police (PNP) ti posible a pannakaipalista ni alias “Totoy,” maysa kadagiti akusado iti kaso a kidnapping dagiti mapukpukaw a mammallot, iti Witness Protection Program.
Kinuna daytoy ti dua a nasao nga ahensia kalpasan nga inyebkas ni Totoy a kayatna nga agtestigo iti korte.
Nupay kasta, dinakamatna nga agpegpeggad itan ti biagna ken ti biag ti pamiliana.
Sigun kenni DOJ Secretary Jesus Crispin Remulla, manarimaanen ti panangiprosesoda iti impormasion a naalada kaduana ni PNP Chief Torre.
Impasigurado ni Remulla nga adda ti ebidensia a naawatda a mangsuporta iti kinuna ni Totoy, ngem saannan nga indetalye ti nasao a banag.
