BAGUIO CITY – Nakaruaren iti ospital ti kanayonan a COVID-19 survivor ditoy siudad ti Baguio idi kalman.
Nakarekober ni Dr. Manuel Kelly Jr., maysa a medical frontliner manipud iti COVID 19 kalpasan ti panagpaimbagna iti Baguio General Hospital and Medical Center.
Ni Dr. Kelly ti maika-12 a COVID-19 patients ditoy siudad ti Baguio a nagimbag manipud iti nasao a sakit.
Sipupuso a nagyaman daytoy kadagiti doctors, nurses, kitchen staffs ken janitor a nangasikaso ken nangtulong kenkuana kabayatan ti panakatamingna iti ospital.
Dinkamatna a iti las-ud ti dua a lawas a panagtalinaed daytoy iti ospital ket awan ti naakaranna ti nasao a virus.
Al-allukyenna met dagiti amin staff ken empleado ti BGHMC nga ituloyda ti agbalin a natibker kabayatan ti pananglaban iti COVID 19 pandemic.
Dinakamat pay ti nasao a doktor nga uray nakaruaren daytoy iti ospital ket kasapulan nga agpaipasidong pay daytoy ti 14-day home quarantine.
