Binabalaw ni Senator Imee Marcos ti Department of Labor and Employment ken ti Department of Social Welfare and Development kalpasan a saanda a naipaay ti listaan dagiti benepisyaryo kadagiti sumagmamano a programada partikular ti Ayuda sa Kapos ang Kita Program (AKAP).
Kwinestyunaran ni Senator Marcos nu kasano a maammoan dagiti kameng dagiti nadakamat nga opisina dagiti kwalipikado nga agnumar iti programa nu awanan dagitoy iti listaan.
Depensa met ni Department of Labor and Employment Undersecretary Benjo Benavidez nga adda ti ipatpatungpalda a clear “process of application” kadagiti anyaman a klase iti assistance nga ipatpatungpalda.
Malaksid iti DOLE, saan metlaeng a nakaipaay iti listaan ti Department of Social Welfare and Development iti kapada a listaan nu sadino, impetteng metlaeng ti maseknan nga opisyal nga adda ti sursurutenda a guidelines iti panangipaay iti Ayuda sa Kapos ang Kita Program (AKAP) pakairamanan ti requirements a masapol a karaman iti low-income category dagiti agaplikar wenno dagiti “low-income and minimum wage-earners.”
Nupay kasta, saan a naragsakan ti senadora iti daytoy rason nga impettengna a saan nga aware dagiti maseknan nga ahensya kadagiti potensyal a benepisyaryo iti programada.
