Binallaagan ti Department of Transportation (DOTr) ti publiko idi kalman kontra kadagiti indibidual a mangibagbaga a dagitoy ket ni Secretary Vivencio “Vince” Dizon wenno dagiti staff daytoy babaen kadagiti pribado a mensahe wenno social media platforms.
Imbalakad ti nasao nga ahensia iti publiko a saan nga ikankano dagiti mensahe a mangibagbaga a dagitoy ket ni Dizon wenno dagiti staff-na, ken ireport dagitoy babaen ti DOTr commuter hotline.
Iti maysa nga advisory, nakalanad a saanda a mangisaysayangkat ti aniaman a transaksion iti ruar ti nasao nga ahensia, nangruna nu awan ti pammalubos wenno otorisado manipod iti ahensia.
Ni Dizon, a nangsukat iti sigud a hepe ti Transportation a ni Jaime Bautista ket nagsapata iti puestona iti sanguanan ni President Ferdinand “Bongbong” Marcos Jr. idi laeng Pebrero.
