Diretso a sinungbatan ni Department of Public Works and Highways (DPWH) Secretary Vince Dizon a saanna a kayat a mainanaig daytoy kadagiti pulitika.
Daytoy ket kalpasan a nagtaud dagiti ispekulasyon iti posible a panagparesda kenni Naga City Mayor Leni Robredo iti 2028 elections.
Impetteng ni Dizon a trabaho ti ipangpangruna daytoy iti agdama kas kadagiti programa a pagnumaran ti publiko.
Karaman iti daytoy dagiti maipatungpal nga addang tapno marisut dagiti panaglayos a mapaspasaran iti kadagiti nagduduma a lugar iti Pilipinas.
Maipalagip a ni Dizon ket kadwa ni President Ferdinand Marcos Jr. a nagturong idiay Naga City idi Sabado, February 21,2026 para iti panakaiyuswat ti Oplan Kontra Baha nu sadino, inatap metlaeng dagiti daduma ti posible a panakabukel ti alyansa.
Nupay kasta, agpada a pinaglibakan da President Marcos Jr. ken Naga City Mayor Robredo dagiti nasao a sayangguseng.
