Nakipaset ket simmango ti National Bureau of Investigation (NBI) iti House Committee on Justice tapno idatag ti resulta iti imbestigasion seknan iti mapapati a panagpangta ni Vice President Sara Duterte kontra kada President Ferdinand Marcos Jr., First Lady Liza Araneta Marcos, ken sigud a House Speaker Martin Romualdez.
Nakipaset iti panagdengngeg ni NBI Director Melvin Matibag kadua dagiti agent iti Cybercrime Division kas sungbat iti subpoena iti komite.
Sigun iti report iti NBI, nagramut ti kaso iti nagbalin nga statement ni Duterte idi 2024 iti online press briefing nu sadinno imbilinna iti maysa a tao a papatayen ni President Marcos ken dadduma pay nga opisial kaspangarigan adda ti mapasamak a pangta kontra kenkuana.
Kasaruno daytoy, inrekomendar iti NBI idi Pebrero 2025 ti panangipila iti reklamo kontra kenni Vice President Sara Duterte.
Inlawlawag met ni Duterte a ti nagbalin nga statement ket saan a pangta, nu diket panangiladawan laeng iti mapapati a pangta iti seguridadna, ken impaganetgetna a daytoy ket saan nga umno ti pannakaawat ken naikkat iti umno a konstekto.
