--Ads--
BAGUIO CITY – Nakemmeg ti maysa a driver a maibilbilang nga street-level target iti buy-bust operation a naisayangkat sadiay Pico, La Trinidad, Benguet.
Nabigbig daytoy a ni Rommel Palitugen Dino alyas Lungad, 27-anyos, baro, tubo ti Mountain Province ken residente ti Pico, La Trinidad, Benguet.
Nakumpiskar kenkuana ti dua a pakete ti maatap a shabu ken ti cellphone nga inaramatna iti transaksion.
Narekober pay ti naaramat a buy-bust money.
Iti agdama, sumangsango ni Dino iti kaso a panaglabsing iti Comprehensive Dangerous Drugs of 2002.
