BAGUIO CITY – Nanayonan manen ti kaso ti maysa a drug personality kalpasan a naiserbi idi kalman ti warrant of arrestna bayat nga adda iti kustodiya ti Mankayan Municipal Police Station sadiay Mankayan, Benguet.
Nabigbig daytoy a ni Gilbert Locloc Patiti alyas Jun Jun, 44-anyos, baro ken residente ti Bana-ao, Tadian, Mt. Province.
Inserbi dagiti otoridad ti warrant of arrest ni Patiti nga impaulog ni Presiding Judge Emmanuel Cacho ti Regional Trial Court, First Judicial Region – Branch 3, Baguio City gapu iti kasona robbery with intimidation ken addaan nairekomendar a piansa a P100,000.
Maipalagip nga idi Sabado, June 27 ket nakemmeg ni Patiti iti buy-bust operation nga insayangkat dagiti otoridad sadiay Balili, Mankayan, Benguet a nangkumpiskaranda kenkuana iti 27 a pakete ti mapapati a shabu nga agdagsen amin ti 120 a gramos ken aggatad ti P816,000.
Nabigbig ni Patiti ket nabigbig a top most wanted person ti Baguio City Police Office – Station 6 ken Station 7 malaksid pay a nabigbig kas baro a miembro ti maysa nga acetylene gang nga addaan operasyon iti entero a pagilian.
