--Ads--
BAGUIO CITY – Sumangsangon iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a drug personality iti buy-bust operation nga insayangkat dagiti operatiba sadiay Sablang, Sagpat, Kibungan, Benguet idi kalman.
Nabigbig daytoy a ni Lito Danan Hipolito, 55-anyos, agilaklako ti motorcycle parts, tubo ti Guagua, Pampanga ken residente iti nasao a lugar.
Nakalista ni Hipolito a High Value Individual iti iligal a droga.
Nakumpiskar kenkuana ti lima a pakete ti maatap a shabu nga agdagsen ti 0.96 gram ken ti cellphone nga inaramatna iti transaksionda iti maysa nga operatiba.
Narekober pay iti ikotna ti naaramat a buy-bust money.
