Naarestar ken sumango ti kaso a panaglabsing iti Comprehensive Dangerous Drugs Act of 2002 dagiti dua a lallaki iti naipatungpal a buy-bust operation idiay San Luis, Baguio City idi laeng kalman.
Dagiti naarestar ket nabigbig iti alyas Galanz ken alyas Mau nga agpada a residente iti Dominican Hill, Baguio City.
Nakumpiskar manipud kenni alyas Galanz ti maysa a piraso ti heat-sealed transparent plastic sachet a naglaon ti maatap a shabu nga addaan iti kadagsen nga uppat a gramo ken Standard Drug Price a PhP27,200- ti subject of sale.
Malaksid iti dayta, narelober metlaeng ti maysa a piraso ti kapada a kontrabando nga agdagsen met iti agarop maysa a gramo ken addan iti Standard Drug Price a PhP6,800.
Pakabuklan a lima gramo iti maatap a shabu ti naala manipod kenni alyas Galanz nga adaan ti balor a PhP34,000.
Malaksid iti dayta,nakumpiskar metlaeng kadagiti dua a lallaki dagiti non-drug evidence kas iti maysa a piraso ti genuine Five-Hundred-peso bill, 19 a piraso ti fake five-hundred-peso bill (boodle money),dua a piraso ti lighter, dua a piraso ti selpon, maysa a charger, ken t lugan a Ford Ranger kasata metten ti tulbek dytoy
Balligi a nakemmeg dagiti suspek babaen ti lead unit nga Special Operations Unit-Cordillera, kadwa ti with Philippine Drug Enforcement Agency-Baguio-Benguet Provincial Office, babaen iti koordinasyon iti Regional Intelligence Division (RID) Police Regional Office-Cordillera, ken ti Baguio City Police Office- Police Station 1.//Bombo Noveh Organo
