Naitabonen dagiti dua a navy pilots a da Lieutenant Jan Kyle Borres ken Ensign Izzah Leonah Taccad iti Libingan ng mga bayani idiay Fort Bonifacio, Taguig City idi laeng kalman.
Pimmusay dagitoy iti napasamak a helicopter crash Cavite City idi laeng Huwebes, Abril 11.
Kabayatanna, inyebkas ti Philippine Navy ti pannakipagladingitda kadagiti pamilya dagiti pimmusay a navy pilots, bayat a pinagyamananda dagitoy.
Ni Lieutenant Jan Kyle Borres ket nagleppas iti Philippine Military Academy “Masidlak” idi 2010 ken nagleppas metlaeng daytoy iti Australian Defense Force Academy idi metlaeng 2010, bayat a ni Ensign Izzah Leonah Taccad ket karaman iti Philippine Military Academy BAGSIK DIWA Class 2022 ken maysa a piloto iti Naval Air Wing idiay Sangley Point, Cavite City.
Iti agdama, ur-urayen paylaeng ti Philippine Navy ti resulta ti aircraft accident investigation tapno maamuan ti rason ti nasao nga aksidente.