BAGUIO CITY – Pimmusay ti dua a soldado iti napasamak a rinnupak iti nagbaetan ti Philippine Army ken Communist Terrorist Groups.
Napasamak ti encounter iti boundary ti Barangay Katablangan, Conner, Apayao ken Sitio Binwan, Barangay Lenneng, Kabugao, Apayao idi kalman.
Nabigbig dagiti pimmusay a da 2LT Nasser Dimalanes ken PFC James S Fontanilla Jr.
Maibasar iti inisyal a report, manarimaan ti Focused Military Operation (FMO) dagiti sangapulo ket lima a personnel ti Scout Platoon ti 98th IB, 5ID babaen iti panangidaulo ni 2LT Dimallanes idi nakarinnupak da ti sangapulo ket lima nga armado a miyembro ti CTG iti sidong ti KLG North Abra ICRC iti nasao a lugar.
Agtultuloy a dukduktalen ti Philippine Army nu adda ti nadangran iti benneg dagiti Communist Terrorist Groups.
Nakaalerto ita dagiti yunit ti AOR para iti panakaanup dagiti kameng ti CTG.
Nainget met ti checkpoint dagiti pulis kadagiti posible a pagnaan dagiti armado a grupo.
