--Ads--
Pakabuklan a dua gasut ket tallo (203) ti nailista a kaso ti dengue iti munisipyo ti La Trinidad ita a tawen.
Sigun paylaeng kenni La Trinidad Mayor Romeo Salda, nangatngato ti nailista ita a tawen nu idilig idi 2023.
Maibasar ti datos, 68% kadagiti naapektaran ti naiturong iti hospital bayat a 32% met dagiti saanen a naospital.
Sigun iti mayor, kaadwan kadagiti naapektaran ket nagtaud iti barangay nga addan ti dakkel a populasyon kas ti Barangay Pico, Barangay Balili, ken Barangay Poblacion.
Kabaytanna, maipatpatungpal met dagiti nagdudma nga intervention tapno maliklikan ti panagwaras ti kaso ti nasao a sakit kas iti larval surveillance kadagiti posible a pagit-itlogan wenno pagpapaaddoan dagiti lamok.//Bombo Rob Dominguez
