BAGUIO CITY – Kidkiddawen ti Bureau of Fire Protection Tuba ti pannakitinnulong dagiti umili ti siudad a saan a panangibelleng ti upos ti sigarilyo iti kabambantayan tapno saan a mangitunda daytoy uram.
Daytoy ket kalpasan a nauram ti baba a paset ti Mt. Santo Tomas sadiay Tuba, Benguet idi kalman.
Maibasar iti BFP-Tuba, naiyuman kadakadua ti forest fire iti ala-una ti malem kalman babaen kadagiti Forest Rangers ti Department of Environment and Natural Resources (DENR) nga agwanwanawan sadiay.
Dagos a nagresponde dagiti bombero ken naideklara ti fire-out iti alas-singko iti malem.
Dumanon ti dua nga ektarya ti nauram no sadino atapen ti BFP-Tuba a nagtaud ti uram manipod iti naibelleng nga upos ti sigarilyo.
Awan met ti nadangran iti nasao nga uram.
