BAGUIO CITY – Pakabuklan a dua pulo ket pito a wanted personalities ti natiliw iti makalawas a manhunt operation ti Police Regional Office – Cordillera idi Hunyo 14 agingga Hunyo 20.
Maibasar iti datus ti Regional Investigation and Detective Management Division, nakairekord ti Benguet Police Provincial Office (PPO) ti kangatoan a bilang dagiti natiliw a dumanon iti siyam nga indibidual; innem iti Baguio City Police Office (BCPO); lima iti Mt. Province PPO; tallo iti Kaling PPO; dua iti Ifugao PPo; ken sag-maysa nga arrest iti Abra PPO ken Apayao PPO.
Nabigbig dagiti nakemmeg kas Most Wanted Person iti Provincial Level.
Iti sabali a bangir, dumanon iti lima pulo ket pito a municipyo ti nakairekord ti zero crime incidents.
Kaaddoan kadagitoy a municipyo ket manipud Abra a dumanon iti dua pulo ket dua; sangapulo iti Ifugao; siyam iti Mt. Province; innem iti Benguet; ken sag-lima iti Apayao ken Kalinga.
Iti met siudad ti Baguio, awan ti nailista nga aniaman a kita ti krimen ti Naguilian Police Station (PS1), Camdas Police Station (PS2), Loakan Police Station (PS4), Legarda Police Station (PS5), Aurora Hill Police Station (PS6), ken Irisan Police Station (PS9).
Kabayatanna, nairekord dagitoy ti 58.33% decrease iti Peace and Order Indicator (POI) ken 1.47% decrease iti average weekly crime rate nu idilig iti datus ti kapada a period idi napan a tawen.
Nagun-od pay ti PRO-CAR ti 75% Crime Clearance Efficiency ken 65% Crime Solution Efficiency a mangipaspasimudaag iti nainget a panagregget dagitoy para iti panakaipatungpal ti linteg seknan iti panakaprebentar ti krimen.//Bombo Jez Lapizar & Bombo Marinel Rodrigo
