--Ads--
BAGUIO CITY – Nauram ti maysa pagtaengan sadiay Bua, Tuding, Itogon, Benguet idi kanikadua.
Nabigbig ti agtagikua iti pagtaengan a ni Heidi Ubongen Singwa, 47-anyos, balo, tubo ken residente ti nadakamat a lugar.
Maibasar iti imbestigasyon dagiti otoridad, nangsindi ni Singwa iti kandila ken indissona daytoy iti center table ti pagtaenganna gapo iti napasaranda a brown-out.
Kalpasanna, immakar daytoy iti pagtaengan ti kaarubana tapno ipapudotna ti sida a naibilin kenkuana.
Naduktalan nga agarup nasurok P780,000 ti danyos iti nasao nga uram a naideklara a fire out iti alas-otso ti rabii.
