Saan ladta nga umdas dagiti ebidensya a maipakpakita maipapan iti mapapati a kinaadda iti sabali a planeta a mabalin a pagiyanan dagiti tattao malaksid iti planet Earth.
Maipalagip nga idi napalabas a bulan ket impakaamo dagiti sumagmamano nga astronomers nga adda iti hint wenno sinyales seknan iti “alien life” iti sabali a planeta.
Agbalbalin a debate kadagiti tattao ti maatap a presensya ti planet K2-18b nga 124 light years nga adayao iti Leo constellation.
Maatap a ti nasao a planeta ket addaan iti umno a distansya iti star rason a mabalin a masarakan ti danum a kangrunaan a kasapulan iti extraterrestrial life.
Impakaamoda dagiti astronomers a babaen iti James Webb Space Telescope a naduktulanda ti kinaadda iti chemicals dimethyl sulfide (DMS) ken dimethyl disulfide (DMDS) iti planet K2-18b.
Dagiti nasao a chemicals ket isu ti component iti marine algae iti planet earth rason a mabalin a maikonsidera kas dakkel a potential para iti panakadiskubre no mabalin ti agbiag iti nasao a planeta.
Ngem, dagiti ebidensya a naiparang ket kurang tapno mapaneknekan pay ti baro a panakadiskubre iti posibilidad a biyag iti sabali a planeta.
