Saan a nagballigi ni sigud nga MMA World Champion Eduard “The Landslide” Folayang iti laban daytoy kontra kenni sigud a ONE Lightweight World Champion Shinya Aoki a naangay iti Saitama Super Arena sadiay Japan.
Naabak ni Folayang babaen iti submission wenno Armbar iti umuna a round ti ONE 172.
Kalpasan ti laban dagitoy ket inwaragwag ni Aoki ti pangretirona iti lubong ti Mixed Martial Arts.
Ti kaleppas a laban dagitoy ket isu ti maikapat a panagsango dagitoy.
Maipalagip a naangay ti umuna a laban dagiti dua idi November 2016 nu sadino nangabak ni Folayang babaen iti Technical Knock Out.
Nupay kasta, iti maika-dua ken maikatlo a laban dagitoy idi March 2019 ken April 2021 ket nangabak ni Aoki babaen iti submission.
Gapu iti daytoy, iggem ni Aoki ti iskor a 3-1 kalpasan ti back-to-back win daytoy kontra iti Filipino MMA icon.
