Manarimaan ti panangrambak dagiti muslim iti siudad ti Baguio para iti Eid al-Adha, babaen iti panangidatunda kadagiti kalding, baka ken karnero.
Iti panakiyuman ti Bombo Radyo kenni Joel Omar, Punong Barangay iti Campo Filipino, impakaammona a naglepasen ti fasting dagitoy idi laeng kanikadwa.
Gapu iti dayta, dadduma kadagiti muslim ti agrambak kadagiti pagtaenganda ken kadagiti pagpasyaran, kas paset ti panangrambak dagitoy iti nasao a Feast of the Sacrifice.
Sigun kenni Omar, masya daytoy a kadakkelan a piesta dagiti muslim iti sangalubungan, nu sadino mangidatunda ti kalding, Karnero, baka ken Camel.
Nupay kasta, inyunay-unay ti Omar a saan nga inkapilitan ti panangidatun kadagiti nasao a dingwen, agsipudta para laeng daytoy kadagiti makabel.
Malaksid iti dayta, inlawlawag ti nasao nga opisial a paset iti panagyamanda kenni Allah ti panangidatunda kadagiti nasao nga ayup, gapu kadagiti bendision a naipaay kadagitoy.//mp4
