BAGUIO CITY – Agsagsaganan ti lokal a gobierno ti Baguio iti vaccination program a maipatungpal iti siudad iti kanito a sumangpeten dagiti COVID-19 vaccines.
Sigun kenni City Health Officer Dr. Rowena Galpo, manarimaanen ti electric registration dagiti health workers iti siudad a kaunaan a maipaayan ti COVID-19 vaccine ken sumaruno dagiti uniformed personnel.
Kinunana a mangipatpatungpalda metlaeng ti communication engagement ken information dissimenation kadagiti amin nga umili ti siudad seknan iti vaccination program ti Baguio.
Innayonna a nabukel metten ti vaccine operating center nga idadauluan ni Baguio City Mayor Benjamin Magalong.
Puntirya ti City Health Office a makabakuna iti 100 a priority beneficiaries iti innaldaw.
Immunan nga inwaragawag ni Baguio City Mayor Benjamin Magalong a sumangpet inton bigat, aldaw ti Biyernes dagiti freezers a pakaidulinan dagiti COVID-19 vaccines a ginatang ti siudad.
