Naituding a maipasidong iti “mandatory retraining” dagiti empleado ti Land Transportation Office (LTO) manipod iti nagduduma a lugar iti Pilipinas.
Kasaruno ti nagwaras a video nu sadinno, bayolente dagiti enforcers iti maysa a lalaki a motorista bayat ti panagtiliwda idiay in Panglao, Bohol.
Sigun kenni Land Transportation Office (LTO) chief Atty. Vigor Mendoza II, ti “retraining” —a makitinnulong iti Philippine National Police (PNP) — ket pakairamanan ti pannakapabaro dagiti protocol, tapno masigurado a saan a mapasamak ti pannakaulit ti kapada nga insidente.
Itay laeng nabiit, viral ti maysa a video a mangipakpakita kadagiti enforcers nga iniggamanda ti maysa a lalaki a naikadda iti rabaw ti ti motorsiklo, ken ginuyodda a pababa iti daga.
Manggegan iti video nga inuli-ulit nga inlawlawag ti lalaki nga isuna ket maysa a mannalon, isut rason nga adda ti ikutna a bolo.
Naamuan a ti lalaki ket nataengan a kabsat ti sigud a vice mayor ti Panglao, Bohol.
Ti lalaki ket natiliw ken adda iti pagbaludan ti Panglao Police Station ken saan pay a nalawag ti rason ti pannakakemmegna.
Iti agdama, awan pay ti komento ti regional director ti Land Transportation Office (LTO) ngem immunan nga inyebkas ti LTO Region 7 a nagbabawida iti insidente, ken impatungpalda laeng ti interes a para iti seguridad ti publiko.
