Kritikal ita ti kasasaad ti maysa a babai nga estudiante kalpasan a pinaltugan ti sigud a nobiona iti uneg ti pagadalan idiay Barangay Rizal, Santa Rosa, Nueva Ecija, sigun iti Police Regional Office (PRO) 3.
Iti statement, kinuna ti PRO 3 a napaltugan ti biktima iti tengged idi Miyerkules ti agsapa kalpasan a simrek ti suspek nga agtawen ti 18 nga awanan ti panagduadua.
Sigun kadagiti pulis babaen kadagiti nakaimatang wenno “witness,” inruar ti suspek ti .22 caliber a paltog manipod iti siketna ken pinaltuganna ti biktima sakbayna a pinaltugan ti bukodna.
Dagosda met a naiturong iti kaasitgan a pag-agasan para iti dagos a pannakatamingda, ken agingga iti agdama ket saan pay nga ammo ti kasasaad ti dua, sigun iti PRO 3.
Iti agdama, manarimaan paylaeng ti imbestigasion ti motibo iti krimen ken nu kasano a nakaala ti suspek ti paltog.
Makikikoordinar metlaeng dagiti otoridad iti administrasion ti pagadalan.
Kinondenar met ni PRO 3 regional director Police Brigadier General Ponce Peñones Jr. ti insidente.
