BAGUIO CITY–Naispal ti maysa nga estudyante kalpasan a limmagto daytoy manipud iti maysa a rangtay sadiay Rimando Road, Brookside, Baguio City idi kalman
Nabigbig daytoy a ni Allen Carlo Cacay, 19-anyos, estudyante ken residente ti Dizon Subd., Baguio City.
Maibasar iti report, mapapati a limmagto ti nasao a baro iti nasao a rangtay.
Nupay kasta, dagus a nagresponde dagiti kameng tyi BCPO – Station 6, Rescue 911 ken ti Bureau of Fire Protection – Baguio.
Naiturong a dagus ti baro iti pagagasan ken sadiay a naamuan a nagsagrap daytoy iti dunor iti kannigid a paset ti takiag, barukong, bukot ken iti saka.