--Ads--
Impeksa ti Department of Justice a maysa kadagiti kitaenda a posible nga anggulo iti napasamak nga insidente iti pammaltog idiay San Jose National High School idiayt Tacloban City ket ti ‘violent extrimism’ wenno nalabes a kinaranggas.
Sigun kenni Justice Spokesperson Atty. Polo Martinez, patiennda a saan daytoy a simple a kaso wenno insidente ti ‘bullying’ nu diket kitaenda pay ti nasao a kasao a naun-uneg.
Impetteng daytoy a posible pay daytoy a rason ti maysa a ‘pattern’ kas iti dinakamatna nga ‘nihillistic violent extrimism’.
Innayon pay daytoy a tarigagay ti nasao nga ahensya a tingitingen a nasayaat ti nasao a kaso ken ti ramot ti amin a napasamak a nangitunda iti kinaranggas. //bombokaren.c.sapirao
