BAGUIO CITY – Nasuspindir ti ‘face-to-face but no-contact visitation’ iti Baguio City Jail-Male Dormitory.
Sigun kenni J/Supt. Mary Ann Ollaging-Tresmanio, daytoy ket kalpasan a naipasidong ti siudad iti Alert Level 3.
Kinunana nga iti agdama ket e-dalaw ken teleconferencing ti maipatpatungpal iti uneg ti nasao a pagbaludan tapnu maaddaan dagiti balud iti komunikasyon kadagiti bisita dagitoy.
Dinakamatna a dumanon iti 20 a computer ti ar-aramaten dagiti balud sadiay tapnu makasaritada dagiti pamilyada.
Maipalagip a naipatungpal ti ‘face-to-face but no-contact visitation’ iti Male Dorm ti Baguio City Jail idi naipasidong ti siudad iti Alert Level 2.
Innayonna met a naobserbaranda nga adu latta ti mangkayat iti e-dalaw gaputa adu ti requirements ti ‘face-to-face but no-contact visitation’.
Urayenda met ti paka-ammo ti Bureau of Jail Management and Penology – Cordillera no mabalin a maituloy manen ti ‘face-to-face but no-contact visitation’ sadiay apaman a sumayaat ti sasaaden ti siudad iti COVID-19.
