--Ads--
BAGUIO CITY – Panggep ti Department of Agriculture (DA) a mangisayangkat ti food quantification study ken color-coded mapping kas addang tapnu matulongan dagiti mannalon iti rehion Cordillera.
Sigun kenni Susan Balanza, dadaulo ti Planning, Monitoring and Evaluation Division ti DA-Cordillera, kasapulan ti makatawen tapnu makompleto ti nasao a plano ti ahensia.
Kinunana a babaen iti nasao nga addang ket mabigbig no anya dagiti kayat ti publiko a taraon ken maaramid ti mapa dagiti pagmulaan dagiti mannalon tapnu maamuan no anya dagiti produkto a maiyannatop a maimula iti lugarda.
Inayonna a makatulong ti resulta ti proyekto iti panangdeterminar dagiti mannalon no anya ti kasayaatan nga imula dagitoy iti tunggal planting season.
