--Ads--
BAGUIO CITY – Pormal a nagrugi ti Farmers Week babaen iti Urban Agriculture Technology Exhibit and Harvest Festival 2024 iti siudad ti Baguio.
Iti nasao nga aktibidad, maimatangan ti sangapulo ket dua a barangay kas participants iti Bahay Kubo contest.
Maitampok met ditoy ti nagduduma a nateng ken prutas a kas naibasar iti kanta a ‘bahay kubo’.
Malaksid iti dayta, makita dagiti sumagmamano nga stalls a mangidiaya met iti nagduduma a produkto kas iti kape, wine, chips, honey.
Adda met ti mailaklako a nagduduma a masitas, bukel ken seedlings.
Kabayatana, maaw-awis iti publiko nangruna dagiti agriculture lovers nga agturong laeng iti exhibit tapno bisitaen dagitoy ken mangipaay ti suporta kadagiti mannalon ti siudad.//Bombo Jerwin Aquio
