Simmuko kadagiti otoridad ti maysa nga indibidual a nasentensian gapu iti iligal a pannakaibalud ni TV host ken aktor Vhong Navarro idi 2014.
Nabigbig daytoy a ni Ferdinand Guerrero a simmuko iti National Bureau of Investigation (NBI) ita nga aldaw.
Iti maysa a social media post, kinadwaan ti abogado ni Guerrero iti opisina iti Bureau of Investigation idiay Quezon City.
Maiparparangarang pay iti video a maibasbasa kenni Guerrero ti kaso kontra kenkuana ken ti karbenganna kas maysa a Pilipino.
Nag-surrender ni Guerrero iti Taguig Regional Trial Court Branch 153 kalpasan ti sumagmamano nga aldaw a natakwatan ti nasao a korte a “guilty” wenno nagbasol daytoy gapu iti iligal a pannakaibalud ni Navarro.
Karaman kadagiti nasensensian ket da Cedric Lee, maysa a businessman, Deniece Cornejo ken ni Simeon Raz.
Sinentensiaan ti korte dagitoy iti pannusa a “reclusion perpetua” wenno pannakaibalud iti uppat a pulo a tawen a pannakaibalud.
Ni laeng Raz ken Cornejo ti personal a timmabuno iti panagdingge ken dagos a kinemmeg daytoy dagiti otoridad.
Kabayatanna, ni Lee ket simmuko iti National Bureau of Investigation (NBI) sumagmamano nga oras kalpasan ti “promulgation.”
Idi 2014, naakusaran ti grupo a nangkautibo ken ni Navarro ken dinangdangranda daytoy iti nakaro.
Idi laeng Marso 2023, dinismisar ti Korte Suprema ti kaso a “rape” wenno panagrames ken ti “acts of lasciviousness” kontra kenni Navarro gapu iti kinakurang iti ebidensia.
