--Ads--
Naitabonen ti fetus a nasarakan dagiti street sweeper sadiay Green Street, Lower Fairview, Baguio City idi kalman.
Maibasar iti nagwaras a video, makita ti ecobag kasta met ti naisurat iti bond paper iti lengguahe a tagalog a mangkidkiddaw iti panangitabon iti siasinuman a makakita iti daytoy.
Sigun kadagiti otoridad, manarimaan nga agsagsagad da Lyka De Guzman Viray, Mary Ann Gragasin ken ni Annabelle Viray Panis idi nakita da ti nangisit nga eco-bag iti igid ti kalsada.
Kinitada met ti nilaon ti nasao nga eco-bag ken ditoy a nakitada ti fetus ken ti maysa a surat.
Kabayatanna, manarimaan metten a birbiruken dagiti otoridad ti ina ti naibati a fetus sadiay Green Street, Lower Fairview, Baguio City para iti posible a panagsangona iti kaso.
