BAGUIO CITY – Naaprubaran iti House Committee on Ways and Means ti House Bill 220 ken 1811.
Ti nasao a gakat ket isingsingasing na ti panakaipataw ti P20 nga excise tax iti tunggal kilo ti plastic bag.
Babaen iti daytoy ket maguyogoy dagiti consumer nga agaramat ti environment-friendly nga eco-bags.
Panggep metlaeng ti nasao a gakat a salwadan ti aglawlaw manipud iti panagaramat ti plastic bags a maikonkonsidera kas “major pollutant” ken maysa kadagiti contributer ti climate change.
Impeksa met dagiti nagduduma nga ahensiya ti gobyerno ti suportada kas ti Department of Finance, Bureau of Internal Revenue, Bureau of Customs ken Department of Trade and Industry gaputa agtalek dagitoy nga addaan daytoy ti “social, economic ken environmental dimensions.”
Kinontra met daytoy ti Philippine Plastics Industry Association Inc (PPIA) gaputa maapektaran ti industriya dagitoy.
