‘Generally peaceful’ ti nagbalin a resulta ti maikatlo nga State of the Nation Address ni President Ferdinand Marcos Jr., sigun iti Philippine National Police.
Daytoy ket iti laksid nga adda dagiti nagprotesta ken naguram iti effigies ti presidente.
Sigun kenni Philippine National Police (PNP) spokeperson Police Colonel Jean Fajardo, ti naannayas a panakaipatungpal ti State of the Nation Address ti presidente idi kalman gapu iti nagtitinulong a panagregget dagiti nagduduma nga ahensiya kasta met a compliant dagiti nagprotesta.
Kinuna ni Fajardo Jr., agarup 4,500 dagiti nagbalin a pro-administration bayat nga agarup 3-K dagiti anti-administration a nagprotesta.
Ti maysa met a nagbalin a karit kadagiti nagduduma nga aktibidad maipapan iti SONA idi kalman ket ti saan a nasayaat a paniempo.
