Agtultuloy latta nga agsapsapul ti gobierno ti Pilipinas ti ad-adu pay a clinical care associates (CCA) tapno mataming ti kasapulan nga ad-adu pay a “nurse” iti pagilian.
Iti panagtaripnong ti Private Sector Advisory Council-Healthcare Sector Group (PSAC-HSG) kenni President Ferdinand ”Bongbong” Marcos Jr. idi kalman, napagsaritaanda ti rekomendasion para iti pannakaipasdek ti responsive healthcare system.
Sigun kenni PSAC Healthcare Sector Lead Paolo Borromeo, ti umuna a batch iti 457 a clinical care associates (CCA) ket naka-match iti pito nga educational institutions para iti board reviews nu sadinno, manarimaan ti panagrekrut dagitoy para iti maikadua a batch ti clinical care associates para iti May 2025 board examinations.
Innayonna pay a naaprobaranen ti Enhanced Master’s Degree iti Nursing Program para iti roll-out nga addaan iti pilot implementation iti 17 nga HEIs inton Agosto daytoy a tawen.
