Umap-apela ti Dap-ayan ti kultura iti Kordilyera kasaruno dagiti insidente a panagaramat iti Artificial intelligence kadagiti native music.
Iti interview ti Bombo Radyo iti Secretariat Staff ti Dap-ayan ti kultura iti Kordilyera a ni Jason Verzola, kinunana nga immadu dagiti AI generated a local songs ti rehion Cordillera.
Sigun kekuana, adda dagiti ag-remix iti local song iti rehion a kas iti Salidumay wenno ti Danum nga orihinal nga inaramid ti banda a Salidummay a nagrugi idi 1987.
Umap-apela dagitoy agsipudta, patienda a babaen iti AI ket saan a maipanggeg a nasayaat ti agpayso a mensahe ti orihinal a kanta.
Sigun kenni Verzola, naduktalanda a nai-upload iti Spotify dagiti remix a kanta a saan a naipakada kadakuada.
Kidkiddawenda a maikkat dagiti remix a local songs iti social media.
Impettengna a napaayda agsipudta, saan a naipakada kadakuada ti a maaramidan iti remix dagiti inaramidda a lokal a kanta.
Kabayatanna, kinkiddawen ti nasao a grupo a makitungtung dagiti responsable tapno pagsaritaanda ti maipapan iti daytoy.
Impaganetgetda a rumeng a maikkat iti social media dagiti nasao a kanta.
Iti kanito a saan a maikkat dagiti kanta, agkiddaw dagitoy iti tulong kadagiti lokal artist iti rehion ken dadduma pay.//mp4
