Nagun-od ti Pilipinas ti Guinness World Record para iti biggest human lung formation no sadino inartapanna ti rekord ti India idi tawen 2017.
Maibasar iti report, naipaayan ti pagilian ti tallo nga attempt iti panagaramid ti biggest human lung formation ngem iti maikadua nga attempt ti pagilian ket balligida a naala ti titulo.
Ti biggest lung formation ket nakipasetan ti agarup 5,596 participants.
Daytoy nga aktibidad ket naisayangkat kagiddan ti World Tuberculosis Day ita a tawen.
Kabayatanna, naragsakan ni Health Secretary Ted Herbosa iti nagablin a resulta ti Guinness World Record bayat nga impalagipna ti kinapateg ti panagpacheck-up tapno malapdan ti panagraira ti tuberculosis.
Maipalagip, a pakabuklan a 612,000 ti nailista a kaso ti tuberculosis iti pagilian idi laeng napalabas a tawen.
Impaganetget pay ni Herbosa ti kinapateg ti panagpax-ray ken molecular confirmation para kadagiti indibidual a makapaspasar iti simtomas ti nasao a sakit tapno malapdan a dagus daytoy.
