Dumanon itan iti P2.2 million ti maipaay a gunguna kadagiti makaarestar iti suspect a nangpapatay iti dua a kameng iti pulisya idiay Bulacan idi March 8.
Sigun kenni Bulacan Governor Daniel Fernando, inaprubaran ti provincial peace and order council ti dua a milyon a piso a mainayon iti nasao a gunguna.
Immunan a nangipaay iti Central Luzon Police iti P100,000 bayat a kapada metlaeng a gatad ti impaay ti Mayor iti Bocaue nga agserbi kas gunguna kadagiti makaited iti impormasyon a makatulong para iti panakaarestar ti suspect.
Maipalagip a dagiti biktima a nabigbig a da S/Sgts. Dennis Cudiamat ken S/Sgt. Gian George dela Cruz iti Bocaue Police Station ket napapatay bayat ti panangipatungpalda iti anti-illegal firearms operation idiay Barangay Tambubong, Bocaue iti nadakamat nga aldaw.
Nakatakas ti suspect a ni alyas “Athan” bayat a naarestar ti kabsat daytoy a ni alyas “Dado.”
