--Ads--
Immanamongen ti Hamas iti singasing ni United States special envoy Steve Witkoff para iti panagsardeng ti gubat idiay Gaza, sigun iti maysa nga opisial ti Palestine.
Gapu iti dayta, posible nga agleppasen ti gubat iti nagbaetan ti dua a pagilian.
Ti baro a singasingang ket inawat ti Hamas babaen kadagiti “mediators” wenno manangibabaet.
Nakalanad iti singasing ti pannakawayawaya ti sangapulo a nabiag a kautibo nga Israeli nga inala ti Hamas kasukat ti pito pulo nga aldaw a panagsardeng ti gubat ken “partial withdrawal” manipod iti Gaza Strip.
Nakalanad metlaeng iti singasing ti panangwayawaya ti Israel iti sumagmamano a balud a Palestinian, agraman ti ginasgasut a nagserbi a balud.
Awan met ti komento payleng ti Israel seknan iti nasoa a banag.
