--Ads--
BAGUIO CITY – Posible a manayonan ti maganansia dagiti mannalon sadiay Sadanga, Mountain Province babaen iti Heirloom Rice Processing and Marketing Enterprise subproject.
Sigun iti Department of Agriculture (DA), agbalin a benepisario ti Anabel-Sadanga Multipurpose Cooperative (ASMPC) iti pannakaipaay ti rice mill wenno pagkiskisan, hauling track ken puonan a P426,000.
Maaramat ti nasao a gatad iti pannakagatang ti irik a maapit dagiti dadduma pay a miembro ti kooperatiba.
Pakabuklan a P9.16 million ti pondo para iti enterprise iti sidong ti Philippine Rural Development Project (PRDP) ti DA.
Kas paset ti proyekto, maipasdek ti processing center sadiay Anabel, Sadanga nga agserbi kas trading center ti heirloom rice.
