--Ads--
BAGUIO CITY – Natiliw ti maysa a High Value Individual a drug personality iti buy-bust operation nga insayangkat dagiti otoridad sadiay Bantay Bayan, Barangay Gabriela Silang, Baguio City idi kalman.
Nabigbig daytoy a ni Arvie Vibar, 28-anyos, residente ti Gabriela Silang, Baguio City ken nakalista a High Value Individual ti Directorate for Intelligence ti PNP ken maika-No. 14 a High Value Individual ti PDEA para iti agdama a tawen.
Nakumpiskar kenkuana ti uppat a pakete ti maatap a shabu nga agdagsen amin ti 0.9 grams ken aggatad ti nasurok P7,500 bayat a narekober iti ikotna ti naaramat a buy-bust money.
Iti agdama, sumangsango ni Vibar iti kaso a panaglabsing iti RA 9165 wenno iti Comprehensive Dangerous Drugs Act of 2002.
