Naangay ita nga aldaw ti maysa kadagiti highlight iti Albubo festival ti Buguias, Benguet a Grand Parade, Cañao ken Street Dancing.
Ti Grand Parade ket nangrugi iti oras ti alas syete ti agsapa manipud Alacan Bridge paturong Buguias Atheltic Oval.
Daytoy ket nakipasetan dagiti nagduduma nga ahensya ti gobyerno, dagiti pagadalan, dagiti delegates dagiti nagduduma a barangay ti Buguias ken daduma pay.
Ni Benguet Governor Melchor Diclas ti nagserbi kas guest speaker iti nasao a programa.
Maipalagip a ti Albubo Festival 2025 ket nangrugi idi Marso a kwatro iti agdama a tawen iti Municipal ground sadiay Abatan.
Para ita a tawen, addaan daytoy iti tema a “Layad ya panag-es-esa di sin aag-i, bemela di binnadang et bumaknang di ili.
Ti “albubo” a pyesta ti Buguias ket kayatna a sawen a “bayanihan,” ti mangipakpakita no kasano nga agkaykaysa ken agtitinulong dagitoy.
Kabayatanna, naituding nga agleppas ti nasao a pyesta inton Marso a nuebe iti agdama a tawen.
