BAGUIO CITY – Agtultuloy latta ti panangisayangkat ti Commission on Election-Baguio iti Holiday Work para iti panggep a makompleto ti puntirya dagitoy makapagrehistro iti 4-M a bontante para iti masungad a May 2022 National Election.
Iti panakiuman ti Bombo Radyo Baguio, kinuna ni City Election Officer Atty. John Paul Martin, a maragsakan dagitoy gaputa ngumatngato ti bilang dagiti botante nga agparparehistro.
Dinakamatna a dumanon iti nasurok 100 nga indibidual ti balligi a maak-akomodar ti opisina dagitoy iti maysa nga aldaw.
Patienna nga epekto daytoy ti voters registration assistant project, panagtrabaho iti aldaw ti holiday ken kinapartak ti proseso dagitoy.
Nupay kasta, kinunana a mairekep ti opisina ti Comelec Baguio inton Abril 1 agingga Abril 2 para paylaeng iti panagngilin ken panag-obserbar iti Semana Santa.
Impanamnama met a maituloy ti operasyon dagitoy inton Abril singko ken manamnama nga agleppas ti voters registration inton Setyembre ti agdama a tawen.
