Kinarit ni House Quad Committee Lead Co-Chairperson Representative a ni Robert Ace Barbers ni sigud a Presidential spokesperson Harry Roque nga ipaayna ti sentimiento ken kritisismona iti sangoanan ti joint panel a mangimbestiga kadagiti illegal a Philippine Offshore Gaming Operators iti pagilian.
Kasaruno daytoy iti panangbabalaw ni Roque iti panagimbestigar ken bilin ti Quad Committee babaen iti video nga inruarna iti social media account daytoy.
Maipalagip a na-cite in Comtempt manen ni Roque, kalpasan a saan a nangisubmitir iti dokumento a mangpaneknek a saan a nagapu iti ilegal nga aramid ti panggadu ti kinabaknang ti pamiliana bayat iti napalabas nga administrasion.
Naibilin pay a maibalud daytoy iti sidung ti House of Representatives iti Quezon City agingga a maisubmitirna dagiti nasao a dokumento wenno agingga a mawaswas ti Quad Comm.
Kabayatanna, agtultuloy ti panagregget dagiti pannakabagi ti linteg tapno masarakan ni Roque ken maipatungpal ti bilin ti lower chamber nga arrest warrant, sigun iti Philippine National Police.
