--Ads--
Pormal a nagbalin nga adopted son ni House Speaker Ferdinand Martin Romualdez ti La Trinidad, Benguet kabayatan ti seremonya a naipatungpal idi Abril 21 ti agdama a tawen kagiddan ti panagbisitana iti nasao a munisipyo para iti Bagong Pilipinas Serbisyo Fair-Benguet.
Ti nasao a seremonya ket nakipasitan da Congressman Eric Go Yap, Governor Melchor Diclas ken daduma a miyembro ti House of Representatives.
Kabayatanna, impeksa ti munisipyo ti La Trinidad ti panagyamanda kenni Romualdez gapu iti dedikasyon ken panagsuportana kadagiti maseknan.
Gapu iti dayta, nabigbig daytoy kas “Batakagan” a kayatna a sawen a “brightest star.”//M
