Mabalinen a maiserbi ti warrant of arrest iti International Criminal Court (ICC) kontra kenni Senador Ronald “Bato” dela Rosa nga awanan iti ligal a lapped, sigun iti Office of the Solicitor General (OSG).
Daytoy ket kasaruno iti panangibasura iti Korte Suprema iti kiddaw iti senador a temporary restraining order (TRO) iti nasao a warrant bayat a maur-uray ti kangrunaan a kaso daytoy.
Iti maysa nga statement ita nga aldaw, kinuna iti SolGen a ti nagbalin a panangibasura iti Korte iti TRO ket mangpatibker iti awanan a ligal a lapped tapno maipatungpal ti ICC warrant.
Maipalagip a nagramut ti kiddaw iti senador iti TRO iti Korte Suprema kalpasan nga imbutaktak ni Ombudsman Jesus Crispin Remulla idi napalabas a tawen a nangipaulog ti ICC iti warrant para iti pannakatiliw kenni dela Rosa.
Malaksid iti daytoy, kiniddaw metlaeng ti kampona iti Korte Suprema a lapdan ti gobierno manipod iti panagtransmit iti aniaman nga ICC-related communication babaen iti diplomatic wenno law enforcement channels bayat a maur-uray ti resolusion ti petision daytoy.
