Inawat ni Retired Supreme Court Associate Antonio Carpio ti idiaydiaya ti Philippine Bar Association a panangi-host iti public debate da kontra kenni Senator Rodante Marcoleta seknan iti West Philippine Sea.
Sigun kenni Carpio, napateg a makorektar ti nagbalin nga statement ni Marcoleta tapno saan a ma-misinform ti publiko.
Inlawlawagna a sakupen ti debate dagiti isyu nga immunan a dinakamat ni Senator Marcoleta pakairamanan ti legalidad ti West Philippine Sea.
Sinungbatanna met laeng ti pangta ti senador a kasuanna daytoy ti treason no sadino ket inlawlawagna a sigun iti linteg, mabalin laeng a makasoan ti treason ti maysa nga indibidwal nu adda iti gulo ken sakbay a mapasamak daytoy, kasapulan pay a maamyendaran ti Revised Penal Code ken ti Konstitusyon. // Bombo Karen Sapirao
