Inyunay-unay manen ti Department of Agriculture (DA) iti publiko a natalged a kanen dagiti ikan manipud iti Taal Lake.
Impasigurado-da daytoy kalpasan a kimmapoy ti panaglako dagiti mangngalap iti ikan sadiay kagiddan ti search operation ti Philippine Coast Guard kadagiti mapukpukaw a sabungeros.
Sigun kenni DA Spokesperson Assistant Secretary Arnel De Mesa, natalged latta ken saan a naapektaran ti kalidad dagiti ikan iti baet nga adda man dagiti tulang ti tao a nasarakan sadiay.
Kinunana a ti tawilis ket mangmangan iti plankton, no sadino saan dagitoy nga agsisid iti uneg ti danum tapno mangan iti aniaman a banag.
Innayonna pay a mangipatungpal ti Bureau of Fisheries and Aquatic Resources iti boodle fight kaduada dagiti local fishermen, traders, ken local officials tapno mapaneknekan a dagiti ikan sadiay ket natalged a kanen.
