--Ads--
Manarimaan ti naan-anay nga imbestigasyon dagiti otoridad iti napasamak a pammaltog sadiay Sitio Mundok, Barangay Cabaroan, Tayum, Abra iti pasado alas diyes iti rabii itay kanikadua.
Nangitunda daytoy iti ipupusay ti maysa a lalaki ken nakasugatan dagiti dua pay nga indibidual.
Nabigbig ti pimmusay a ni Julie Balla Jacquias, 54-anyos, residente idiay Sitio Cabanayan, Brgy. Cabaroan.
Iti inisyal nga imbestigasyon, manarimaan ti panagay-ayamda iti dice game idi kellaat a pinalpaltugan ti suspek iti namintallo a daras ti biktima.
Nupay kasta, natamaan dagiti dua a lalaki gapu iti stray bullet a nagtaud iti nasao a pammaltog rason a naitaray dagitoy a dagus iti pagagasan.
