--Ads--
Posible nga inton bulan ti Hunyo a matalantan iti Senado ti impeachment complaint kontra kenni Vice President Sara Duterte.
Daytoy ket kalpasan a naipama iti Senado ti impeachment complaint a pinirmaan dagiti 215 a kongresista idi kalman, Pebrero 5.
Iti ambush interview, inlawlawag ni House of Representatives Secretary General Reginald Velasco a posible a maaddaan iti panagdengngeg uray pay naka-break dagiti Senador.
Naituding metten a maipasidong iti adjournment session ti Senado manipud Pebrero 8 agingga inton Hunyo 1 ita a tawen.
Maipalagip nga 215 out of 306 members ti House of Representatives ti nagpirma para iti pannaka-impeach ni Sara Duterte iti takem kas bise presidente ti pagilian a Pilipinas.
