BAGUIO CITY – Nagleppasen idi Sabado, Oktobre 30 ti maikadua a dupag ti Libreng Sakay para kadagiti Health Care Workers ken Authorized Person Outside Residence (APOR) ditoy rehion Cordillera iti sidong ti Service Contracting Program ti Department of Transportation (DOTr) ken Land Transportation Franchising and Regulatory Board (LTFRB).
Daytoy ket kalpasan a naibusen ti naipaluspos a pondo para iti nasao a programa
Maipalagip a dumanon iti P3-B ti pondo a nailatang iti Cordillera Region para iti implementasion ti nasao a programa.
Nailukat ditoy ti operasyon ti 49 units ken 14 a ruta, pakairamanan ti lima a ruta para kadagiti APORs ken siyam para kadagiti health workers partikular iti Baguio-Plaza-Trancoville, Baguio-Plaza-Irisan ken Baguio- Plaza- Aurora Hill.
