Ad-adalen itan ti Philippine National Police (PNP) dagiti naawatda nga impormasyon seknan kenni sigud a Bureau of Corrections (BuCor) chief Gerald Bantag a sumangsango iti kaso a murder gaputa daytoy ti maatap a mastermind iti pannakapapatay ni broadcaster Percy Lapid.
Sigun kenni PNP spokesperson Police Brig. Gen Jean Fajardo, manarimaan paylaeng iti panang-validate-da kadagiti nasao a reports.
Patien met dagitoy nga adda laeng ni Bantag iti Pilipinas particular iti amianan a paset.
Pinagyamanan met dagitoy dagiti nangipaay iti impormasyon tapno mabirukan ti nabayagen a mabirbiruk a ni Bantag.
Innayon pay ni Fajardo nga umap-apela dagitoy kenkuana tapno agpakitan ken sanguenna ti reklamo a naipila kenkuana.
Iti agdama, agtultuloy dagiti tracking teams a mangsapul kenni Bantag.
